महारानी एलिजाबेथको निधनप्रति पूर्वराजा ज्ञानेन्द्रद्वारा दुःख व्यक्त

काठमाण्डौं, २०७९ भदौं २४ गते शुक्रबार । पूर्वराजा ज्ञानेन्द्र शाहले बेलायतकी महारानी एलिजाबेथ द्वितीयको निधनप्रति दुःख व्यक्त गर्नुभएको छ । उहाँले आज दिनुभएको शोक सन्देशमा महारानी एलिजाबेथले आफ्नो शासनकालमा शालिन र उच्च राजकीय मूल्य निर्वाह गर्नुभएको स्मरणीय छ भन्नुभएको छ ।

पूर्वराजा ज्ञानेन्द्रले महारानीप्रति श्रद्धाञ्जली अर्पण गर्दै शोकसन्तप्त राजपरिवार, बेलायती सरकार एवं जनताप्रति समवेदन प्रकट गर्नुभएको छ । रासस