गुल्मीको रेसुंगाको मेयरमा नेपाली कांग्रेसका पन्थी निर्वाचित

काठमाण्डौ, २०७९ बैशाख ३१ गते शनिबार । गुल्मीको रेसुंगा नगरपालिकाको मेयरमा नेपाली कांग्रेसका खिलध्वज पन्थी निर्वाचित हुनुभएको छ ।

गुल्मी जिल्लाको रेसुङ्गा नगरपालिकाको नगर प्रमुखमा नेपाली कांग्रेस गुल्मीका सभापति खिलध्वज पन्थी निर्वाचित हुनुभएको छ । पन्थी ८ हजार ६ सय १४ मत ल्याएर नगरप्रमुखमा निर्वाचित हुनुभएको हो ।

अनलाईन खवरका अनुसार उपप्रमुख पदमा नेपाली कांग्रेसकै अमृतादेवी कुवँरले ८ हजार १९ मत ल्याएर उपप्रमुख निर्वाचित हुनुभएको प्रमुख निर्वाचन अधिकृतको कार्यालयले जनाएको छ । नगर प्रमुखका उम्मेदवार नेकपा एमालेका राजेन्द्रप्रसाद पाण्डेयले ७ हजार ३२० मत ल्याउनु भयो । उपप्रमुखमा एमाले उम्मेदवार रीता पाण्डेले ७ हजार २ सय ३१ मत ल्याउनु भएको छ ।

नगरपालिकामा २३ हजार ५ सय ३१ जना मतदाता रहेकोमा १६ हजार २ सय ३९ जनाले मतदान गरेका थिए ।