मारिऊपोलस्थित युक्रेन नियन्त्रित क्षेत्रमा ‘रुसको पूर्णस्तरको हमला’

उक्त उद्योगभित्र रहेका युक्रेनी कमान्डरले आफूहरूले दोस्रो दिन पनि “कठिन रक्तपातपूर्ण लडाइँ” गरिरहेको बताएका छन्। निरन्तरको हमलापछि रुसी फौज “उद्योग क्षेत्र” प्रवेश गरेको विवरण आएका छन्। बालबालिकासहित करिब २०० सर्वसाधारण उक्त उद्योगभित्र आश्रय लिएर बसिरहेको ठानिएको छ। स्टिल उद्योगमा रुसले हमला गरेको भन्ने विवरणहरूको बीबीसीले पुष्टि गर्न सकेको छैन।