नाइजिरियाको अवैध तेल प्रशोधन केन्द्रमा विस्फोटन, १०० जना भन्दा बढीको मृत्यु

काठमाण्डौ, २०७९ बैशाख ११ गते आईतबार । दक्षिणी नाइजिरियाको इमो राज्यमा अवैध रूपमा सञ्चालित एउटा तेल प्रशोधन केन्द्रमा विस्फोटन हुँदा १०० बढीको मृत्यु भएको अधिकारीहरूले बताएका छन्।

घटनापछि नाइजिरिया प्रहरीले अवैध तेल प्रशोधन कारखानाका सञ्चालकको खोजी भइरहेको जनाएको छ। विस्फोटन हुनुअघि उक्त केन्द्रमा ठूलो आगलागी भएको थियो। त्यस बेला कारखनामा दर्जनौँ मानिसहरूले काम गरिरहेको ठानिएको छ।

धेरै जना चिन्नै नसकिनेगरी जलेका थिए।

उच्च गरिबी र बेरोजगारीका कारण दक्षिणी नाइजिरियामा अवैध खनिज तेलको प्रशोधन आयआर्यनका लागि लोभलाग्दो काम बनेको छ। बीबीसी