सिन्धुपाल्चोकको गुम्बा क्षेत्रमा सशस्त्र प्रहरी बलको बोर्डर आउट पोस्ट स्थापना

काठमाण्डौं, २०७८ चैत २६ गते शनिबार । नेपालको चीनसँगको सीमा क्षेत्र सिन्धुपाल्चोकको जुगल गाउँपालिका-३ स्थित गुम्बा क्षेत्रमा सशस्त्र प्रहरी बल नेपालले बोर्डर आउट पोस्ट (बीओपी) स्थापना गरिएको छ ।

सीमा सुरक्षा, सीमा क्षेत्रमा हुने चोरी पैठारी तथा निकासी नियन्त्रण, सीमामा हुने अपराध नियन्त्रणका लागि सशस्त्र प्रहरी बल, नेपाल नम्बर १६ गणले बीओपी स्थापना गरेको हो । सशस्त्र प्रहरी बलका महानिरीक्षक शैलेन्द्र खनालले बीओपीको उद्घाटन गर्नुभएको थियो । सदरमुकाम चौताराबाट ११४ किलोमिटर टाढाको दूरीमा बीओपी रहेको समाचार गोरखापत्र अनलाईनले लेखेको छ ।