युक्रेनको गोलाबारीमा एकजना भारतीय विद्यार्थीको मृत्यु

काठमाण्डौं, २०७८ फागुन १७ गते मंगलबार । युक्रेनमा एकजना भारतीय विद्यार्थीको मृत्यु भएको छ । भारतीय विदेश मन्त्रालयका प्रवक्ता अरिन्दम बागचीले एक विद्यार्थीको मृत्यु भएको पुष्टि गर्नुभएको हो।

गहिरो दुःखका साथ खार्किभमा भएको गोलाबारीमा एक भारतीय विद्यार्थीको मृत्यु भएको छ, उहाँले ट्वीटमा लेख्नभएको छ । मन्त्रालयले परिवारका सदस्यहरूसँग सम्पर्कमा रहेको र परिवारप्रति समवेदना प्रकट गरेको उहाँले बताउनुभयो।

बागचीले गरेको ट्वीटमा विदेश सचिवले रुस र युक्रेनका राजदूतहरूसँग कुरा गर्दै भारतीय नागरिकलाई सुरक्षित रूपमा बाहिर निकाल्नुपर्ने भारतले माग गरेको बताउनुभएको छ।

भारतीय विदेश मन्त्रालयले युक्रेनको राजधानी किभ छाड्न आफ्ना नागरिकलाई फेरि पनि अपिल गरेको छ। बीबीसी