चिनियाँ कम्युनिष्ट पार्टीका सदस्यहरुद्वारा जनतालाई प्रथम स्थानमा राख्नुपर्ने

चिनियाँ कम्युनिष्ट पार्टी केन्द्रीय समितिका महासचिव सी चिन फिङले २९ तारिख “जुलाई १ पदक” वितरण समारोहमा “जुलाई १ पदक” विजेताले चिनियाँ कम्युनिष्टको दृढ विश्वास, उद्देश्यको अभ्यास, कडा परिश्रम, ईमानदार तथा स्पष्टवादीलगायतका उत्कृष्ट गुणहरु समेटेको बताउनुभयो। मार्क्सवादमाथिको विश्वास र चिनियाँ विशेषतासहितको समाजवादमाथिको विश्वासलाई सम्पूर्ण पार्टीले आजीवन पछ्याउनु पर्ने पनि महासचिव सीले भन्नुभयो।

सी चिन फिङले “जुलाई १ पदक” का विजेताहरुलाई पदक प्रदान गर्नुका साथै सम्बोधन पनि गर्नुभएको थियो। एक सय वर्षदेखि चिनियाँ कम्युनिष्टहरूका पुस्ता देश र जनताको स्वतन्त्रता हासिल गर्न सफल भएको र देशको समृद्धि र जनताको खुशीलाई महसुस गर्दैआएको पनि महासचिव सीले औंल्याउनुभयो। सबै पार्टी सदस्यहरूले आफ्नो मूल बिर्सन नहुने कुरामा पनि उहाँले जोड दिनुभयो।