भुल्ने छैन कदापि (शार्दूलबिक्रीडित)

                                                        काठमाडौं, २०७८ असार १२ गते शनिबार । 
-शारदा कार्की
उन्कै साथ बसी कुरा अरु गरौं, गाह्रो नमानि रति।
बोलौं हुन्छ सरक्क बात निजमा , आफ्ना भएका जति
गाँठो पर्छ बिचार यो मन भरी , सम्झन्छु जैले पनि।
उन्को धैर्य समाति धारण गरौं , भन्दैन्छु अ‍ैले पनि।
१
सम्झन्छू मनमा अनेक पलमा ,जो बात हुन्थे अघी।
आआफ्ना मनका कुरा हरु सबै, आजै सुनाऊँ बसी ।
गोडौं हुन्छ म भित्र भित्र कतिहो १ उम्री रहेका कुरा ।
आजै भेट भए र मात्र उनमा , पोखौ परे का कुरा।
२
सुन्दै खूस रहन्छु आउँछु भने, बाटो कुरेरै बसेँ।
झट्टै फर्कि गए क्षणिक पलमै, आफैं अचम्मित् भएँ ।
पोल्ने कुट्कुट यो दिनानु दिनमा, हल्का जलेको मुटु।
कस्तो कर्म रहेछ साथ नहुँने , आजै कसोरी छुटूँ।
३
नाता हो मन भावको समिपको, मीठोछ सत्भावयो।
देलासाथ अनन्त सम्म नभुली, सामिप्य आभाष भो।
हाम्रा यी मनभित्र बाँधिन पुग्यौं, छुट्नै नसक्ने गरी।
भुल्ने छैन कदापि यो मिलनहो, सम्झन्छु यस्तै गरी।
४
मीठा बात भए रह्यो अरु कुरा ,भुल्नू कसोरी भयो।
मिल्दाथे समभाव नित्य तरता , आवास अर्कै छयो।
उन्कै साहसमा र स्वच्छ दिलमा, सत्भाव आई रहोस्।
हाम्रा दैनिकि मा अनन्त रहने, यो मेल दीर्घायुहोस् ।