कञ्चनजङ्घा
- गीत
काठमाडौं, २०७७ जेठ १५ गते बिहीबार
– नरेन्द्रराज प्रसाई
तिम्रो मायाले नै मैले कञ्चनजङ्घा भेटेँ
तिम्रो मायाले नै मैले कञ्चनजङ्घा लेखेँ ।
मायाहुँदा जीवन रह्यो जीवनबाटै माया
वारीपारी जहाँ जाउ त्यति नै छ माया
मुटुभित्र अँटेसम्म तिम्रै माया भेटेँ
हिंड्दा जति पाइला टेकेँ तिम्रै माया लेखेँ
तिम्रो मायाले नै मैले कञ्चनजङ्घा भेटेँ ।
हिउँ शिर गजुरमा तिम्रै माया खोपेँ
लेकबेसीँ चौतारीमा तिम्रै माया रोपेँ ।
घाम छाया जतासुकै तिम्रै माया देखेँ
हावा बतास हुरी आउँदा तिम्रै माया छेकेँ
तिम्रो मायाले नै मैले कञ्चनजङ्घा लेखेँ ।
तिम्रो मायाले नै मैले कञ्चनजङ्घा भेटेँ
तिम्रो मायाले नै मैले कञ्चनजङ्घा लेखेँ ।
Facebook Comments
