राजाको तस्वीर भएको नोट नचलाउन निर्देशन

बैंक तथा वित्तीय संस्थाहरुले अब एटीएम लगायतका मेसिनहरुबाट चलनचल्तीमा पठाउन योग्य, काउन्टरबाट भुक्तानी गरी चलनचल्तीमापठाउन योग्य र चलनचल्तीमा पठाउन अयोग्य गरी तीन किसिमले वर्गीकरण गर्नु पर्नेछ ।

राष्ट्र बैंकले वर्गीकरण गरी एटीएम मेसिन लगायतमा पठाउन सकिनेलाई हरियो रङको स्लीप, काउन्टरबाट भुक्तानी गर्न सकिने नोटको प्याकेटमा सेतो र चलनचल्तीका लागि अयोग्य हुने नोटको प्याकेटमा रातो रङ्गको स्लीप लगाउनु पर्ने बताएको छ ।

नोटको प्याकेटमा अब बैंकको नाम, बैंकको कर्मचारीको नाम र परिचय पत्र, हस्ताक्षर र मिति सम्बन्धी विवरण अनिवार्य हुनु पर्ने राष्ट्र बैंकले भनेको छ ।

झुत्रिएको, मक्किएको, जलेको, गलेको, लुलो भएको, किराले खाएको, पानीले भिजेको, छपाई विग्रेको, नोटमा रहेका अक्षर, अंक, चित्र तथा सुरक्षण विशेषताहरु नबुझिने वा बिग्रिने गरी रङ्ग लागेको, च्यातिएको वा पूर्व राजाको तस्वीर अंकित भएको नोटलाई निश्काशन अयोग्य नोटको रुपमा वर्गीकरण गर्न राष्ट्र बैंकले भनेको छ । अनलाईन खवरबाट