अल्जेरियामा सवारी दुर्घटना, ३४ जनाको मृत्यु, १२ जना घाईते

अल्जियर्स, २०८० साउन ३ गते बुधबार । अल्जेरियाको दक्षिणी भागमा आज बिहान यात्रीवाहक बस दुर्घटना हुँदा ३४ जनाको मृत्यु भएको छ भने अन्य १२ जना घाइते भएका छन् ।

राजधानी अल्जियर्सबाट करिब २ हजार किलोमिटर पर अवीसथत तामनरासेट शहरमा यात्रीबाहक बस र औद्योगिक उत्पादन बोकेको बाहन एकआपसमा ठोक्किँदा उक्त हताहति भएको उद्धार कार्यमा संलग्न एक अधिकारीले बताएका छन् । दुई वटा सवारी साधन ठोक्किँदा बसमा आगोलोको थियो । उद्धारकर्मीहरुले जलेका केही लाश पनि निकालेका छन् ।

दुवै सवारी साधन द्रुतगतिमा रहेकाले उक्त दुर्घटना भएको प्रारम्भिक अनुमान गरिएको छ ।

गत वर्ष अल्जेरियामा २३ हजार सवारी दुर्घटना भएका थिए । ती दुर्घटनामा ३ हजार ४ सय ९ जनाको ज्यान गएको थियो भने ३० हजारभन्दा बढी घाइते भएको सडक सुरक्षासम्बन्धी सरकारी निकायले जनाएको छ । एएफपी