चिनियाँ राजदूत छन सोङ्ग र प्रधानमन्त्री प्रचण्डबीच भेटवार्ता

भिओके समाचार/ काठमाण्डौं, २०७९ माघ २ गते सोमबार । नेपालकालागि नवनियुक्त चिनियाँ राजदूत छन सोङ्गले प्रधानमन्त्री पुष्पकमल दाहाल ‘प्रचण्डसँग’ भेट गर्नुभएको छ ।

भेटमा राजदूत सोङ्गले चीनका राष्ट्रपति, उपराष्ट्रपति र प्रधानमन्त्रीको तर्फबाट प्रधानमन्त्री प्रचण्डलाई शुभकामना व्यक्त गर्नुभयो । राजदूत सोङ्गले नयाँ वर्षको शुभकामना व्यक्त गर्नुका साथै नेपालको विकास, स्थायीत्व र समृद्धिको बाटोमा सधैँ साथमा रहने बताउनुभयो । प्रधानमन्त्री प्रचण्डले भेटमा चीनको सद्भाव, सहयोग र भातृत्वकालागि धन्यवाद व्यक्त गर्नुभएको छ । उहाँले राष्ट्रपति सि चिन फिङ्ग र प्रधानमन्त्रीलाई सफलता र प्रगतिको शुभकामना व्यक्त गर्नुभयो ।

राजदूत छनले पोखरामा भएको विमान दुर्घटनाप्रति गहिरो दुःख व्यक्त्त गर्नुभयो।