कैलाली-५ मा प्रतिनिधिसभामा कांग्रेसका पन्त निर्वाचित

अत्तरिया, २०७९ मंसिर ९ गते शुक्रबार । कैलाली निर्वाचन क्षेत्र नम्बर ५ मा नेपाली कांग्रेसका डिल्लीराज पन्त निर्वाचित हुनुभएको छ । आफ्ना निकटतम प्रतिद्वन्द्वी नेकपा (एमाले) का नारदमुनि रानालाई ९ सय ५८ मतान्तरले पराजित गरी उहाँ प्रतिनिधिसभा सदस्यमा निर्वाचित हुनुभएको हो ।

जम्मा ६५ हजार ६ सय १३ मतमध्ये विजयी हुनुभएका पन्तले २१ हजार ३ सय ९२ मत प्राप्त गर्नुभयो भने पराजित रानाले २० हजार ३ सय १८ मत प्राप्त गर्नुभएको छ ।

यसैगरी स्वतन्त्र उम्मेदवार पुष्करनाथ ओझाले ८ हजार ९ सय ९८ र नागरिक उन्मुक्ति पार्टीको समर्थन रहेको अर्का स्वतन्त्र उम्मेदवार जगदिश चौधरीले ६ हजार ६ सय १९ मत प्राप्त गर्नुभयो । रासस