रवि लामिछानेलाई थुनामा पठाउने आदेश

सिद्धार्थनगर, २०८१ चैत २२ गते शुक्रबार । उच्च अदालत तुलसीपुर, बुटवल इजलासले सहकारी ठगी तथा  सङ्गठित अपराध मुद्दाका आरोपी रास्वपाका सभापति रवि लामिछानेलाई थुनामा पठाउने आदेश गरेको छ ।

इजलासका न्यायाधीशद्वय रमेश ढकाल र स्वीकृति पराजुलीले लामिछानेलाई थुनामा पठाउने आदेश गरेको उच्च अदालत तुलसीपुर, बुटवलका इजलासका उपरजिस्ट्रार हरिगोपाल ज्ञवालीले जानकारी दिनुभयो ।

यसअघि रू एक करोड धरौटीमा छाड्ने जिल्ला अदालत रूपन्देहीको आदेशलाई उच्च अदालतले बदर गरेको हो । रासस