चाइना मिडिया ग्रुपको प्रतिलिपि कारोबार केन्द्रको निर्माण शाङ्हाईमा शुरु
काठमाडौं, २०७७ भदौं ६ गते शनिबार
चाइना मिडिया ग्रुपको प्रतिलिपि कारोबार केन्द्र र नयाँ युगमा शहरको गुणस्तरीय विकास अनुसन्धानालयको निर्माण आज अगष्ट २२ तारिख शाङ्हाईमा शुरु भएको छ।
चिनियाँ कम्युनिष्ट पार्टी केन्द्रिय समितिका प्रसार उप-मन्त्री, चाइना मिडिया ग्रुपका निर्देशक शन हाई श्युङ, चिनियाँ कम्युनिष्ट पार्टी अन्तर्गत शाङ्हाई समितिका उप-सचिव, शाङ्हाईका मेयर कुङ चड् उद्घाटन समारोहमा सहभागी हुनुभयो।
चिनिया अन्तर्राष्ट्रिय रेडियो सीआरआईका अनुसार चिनियाँ कम्युनिष्ट पार्टी केन्द्रीय समितिका महासचिव सी चिन फिङले प्रचार-प्रसार कार्यबारे गरेको महत्वपूर्ण सम्बोधनको दोस्रो वार्षिकोत्सवको उपलक्ष्यमा चाइना मिडिया ग्रुपले शाङ्हाईमा प्रतिलिपि कारोबार केन्द्र र नयाँ युगमा शहरको गुणस्तरीय विकास अनुसन्धानालयको निर्माण कार्य गरेको छ। जसले नयाँ युगमा प्रचार-प्रसार कार्य कुशलताका साथ गर्नुपर्ने र विश्वको सर्वोच्च नयाँ एवम् मुख्य सञ्चारमाध्यमको निर्माण गर्नुपर्ने विषयमा महासचिव सीको भावनालाई व्यवहारमा उतार्ने एउटा नयाँ कदम भएको शन हाई श्युङले औंल्याउनुभयो।
