देउता बैरो भएछ
- कविता
काठमाडौं, २०७७ जेठ १४ गते बुधबार
-नरेन्द्रराज प्रसाई
•••
जिन्दगानी खेल्दा, खेल्दै पैरो गएछ
हामीले पुज्ने देउता बैरो भएछ ।
हेर्दा, हेर्दै घरबारी चिरैचिरा भयो
मानवको चोलाभरि पीडैपीडा भयो
पृथ्वीको धरातलमै पैरो गएछ
हामीले पुज्ने देउता बैरो भएछ ।
कैयौं रात तारा अनि चन्द्रसँग सुत्यौं
पानी अनि असिनामा घरिघरि रुझ्यौं
मानवको आस्थाभरि पैरो गएछ
हामीले पुज्ने देउता बैरो भएछ ।
Facebook Comments
