वसुन्धराश्री र मानश्री पुरस्कार डा थापा र शाहलाई अर्पण
काठमाण्डू,२०८१ वैशाख ७ गते शुक्रबार । वि.सं. २०८१ को वसुन्धराश्री र मानश्री पुरस्कार वरिष्ठ कूटनीतिज्ञद्वय डा भेषबहादुर थापा र विन्दाश्वेरी शाहलाई अर्पण गरिने भएको छ । ती दुवै पुरस्कारको राशि नगद रु ७५ हजार र सम्मानपत्र रहेको छ । वसुन्धरा मान प्रज्ञा-प्रतिष्ठानका कुलपति डा दुबसु क्षेत्रीको अध्यक्षतामा आज बसेको विशेष बैठकले सो निर्णय गरेको हो ।
कूटनीतिज्ञ डा थापा भारत र संयुक्त राज्य अमेरिकाका लागि पूर्वराजदूत एवं पूर्वपरराष्ट्रमन्त्री हुनुहुन्छ । आधुनिक नेपालको विशिष्ट कूटनीतिज्ञका रुपमा अन्तर्राष्ट्रियजगत्मा नेपालको सम्पर्क र सम्बन्ध विस्तारद्वारा मुलुकको छवि र प्रतिष्ठा अभिवृद्धि गरी विश्व समुदायमा नेपाल र नेपालीको स्थान र पहिचान उच्च र अक्षुण्ण राख्न कूटनीतिज्ञ डा थापाको महत्वपूर्ण योगदान रहेको प्रतिष्ठानद्वारा आज यहाँ जारी विज्ञप्तिमा जनाइएको छ ।
यसैगरी, कूटनीतिज्ञ शाहले पहिलो नेपाली कूटनीतिज्ञ र पहिलो महिला राजदूतका रुपमा विशिष्ट परिचय कायम गर्नुभएको छ । उहाँले नेपाल सरकारको वरिष्ठ कूटनीतिज्ञका रुपमा अन्तर्राष्ट्रियजगत्मा नेपालको सम्पर्क र सम्बन्ध विस्तारद्वारा मुलुकको छवि र प्रतिष्ठा अभिवृद्धि गरी विश्व समुदायमा नेपाल र नेपालीको स्थान र पहिचान उच्च र अक्षुण्ण राख्न महत्वपूर्ण योगदान पु¥याउनुभएको विज्ञप्तिमा जनाइएको छ ।रासस
