काठमाण्डौं-३ (क) मा कांग्रेसका छिरिङदोर्जे लामा विजयी

काठमाण्डौं, २०७९ मंसिर ६ गते मंगलबार । काठमाण्डौं क्षेत्र नम्बर ३ को (क) मा नेपाली कांग्रेसका छिरिङदोर्जे लामा विजयी हुनुभएको छ । लामाले ४ हजार ५ सय ५८ मत प्राप्त गर्नुभएको निर्वाचन अधिकृत मन्दिरा शाहीले जानकारी दिनुभयो । उहाँका निकटतम प्रतिद्वन्द्वी नेकपा (एमाले) का चन्द्रमान लामाले ३ हजार ४ सय १५ मत पाउनुभएको छ ।

रेडियो नेपालका अनुसार कांग्रेसबाट विद्रोह गरी स्वतन्त्र उम्मेदवारी दिनुभएका काठमाडौं महानगरपालिका-६ का पूर्वध्यक्ष दीपेन्द्र लामाले २ हजार ९ सय ३३ मत पाउनुभयो भने राष्ट्रिय प्रजातन्त्र पार्टी (राप्रपा) का चुण्डी लामाले २ हजार २ सय ७६ मत पाउनुभयो । निर्वाचित लामा यसअघि २०७४ सालको निर्वाचनमा पनि प्रदेशसभा सदस्य पदमा विजयी हुनुभएको थियो ।