बेलायतकी महारानी एलिजावेथ द्वितीयाको निधन

काठमाण्डौं, २०७९ भदौं २३ गते बिहीबार । बेलायतकी महारानी एलिजाबेथ द्वितीयाको ९६ वर्षको उमेरमा निधन भएको छ । महारानी एलिजाबेथ द्वितीयाको निधन स्कटल्यान्डको बालमोरल दरबारमा भएको बकिङ्गम प्यालेसलाई उद्धृत गर्दै बीबीसीले समाचार लेखेको छ ।

सन् १९२६ अप्रिल २१ मा लन्डनको माइफेरमा जन्मिनुभएकी एलिजाबेथ बेलायतमा सबैभन्दा लामो समय शासन गर्ने राष्ट्र अध्यक्ष हुनुहुन्छ । उहाँले ७० वर्षसम्म शासन गर्नुभयो ।

स्वास्थ्यमा समस्या देखिएपछि आज उहाँलाई बाल्मोरलमा चिकित्सकहरुको निगरानीमा राखिएको थियो । हिँजो बुधवारका लागि आयोजना गरिएको एउटा भर्चुअल बैठकमा महारानी अनुपस्थित भएपछि उहाँको स्वास्थ्यबारे चौतर्फी रुपमा चर्चा भएको थियो ।