मङ्गल ग्रहमा जीव अवशेष खोज्ने स्थानबारे वैज्ञानिकहरू पक्का

पर्सिभिअरन्सले खिचेको तस्बिरले जहाँ नदीको पानीले तालको पानीलाई भेट्थ्यो त्यहाँ नदीको पानीको बहाव कम भएर पृथ्वीमा जस्तै भूआकार बनेको देखाउँछ।

त्यस्तै वातावरणमा सूक्ष्म जीवहरू हुने हुँदा त्यहाँ तिनका रासायनिक अवशेष बाँकी रहेका हुन सक्छन्। “मानिसहरूले मलाई सोध्छन्: ‘त्यसो भए के त? हामीलाई त्यहाँ त्यस्तो भूआकार छ भन्ने पहिल्यै थाहा थिएन र?’ वास्तवमा हामीलाई त्यो थाहा थिएन। भूउपग्रहका तस्बिरहरूले त्यहाँ त्यस्तो भूआकार रहेको देखिए पनि जमिनमा नउत्रिएसम्म त्यो पक्का कुरा थिएन,” इम्पिरियल कलेज लन्डनका प्राध्यापक सञ्जीव गुप्ताले बताउनु भयो । बीबीसी