राष्ट्रपति भण्डारीद्वारा सङ्घीय संसद्को अधिवेशन आह्वान
काठमाण्डौं, २०७८ भदौं १९ गते शनिबार । राष्ट्रपति विद्यादेवी भण्डारीले संसद्को दुवै सदनको अधिवेशन आह्वान गर्नुभएको छ । भण्डारीले भदौ २३ गते बुधबार सङ्घीय संसद्को दुवै सदनको अधिवेशन आह्वान गर्नुभएको हो ।
संविधानको धारा ९३ को उपधारा (१) बमोजिम नेपाल सरकार, मन्त्रिपरिषद्को सिफारिसमा भदौ २३ गते बुधबारका दिउँसो ४ बजे बजे अन्तर्राष्ट्रिय सम्मेलन केन्द्र, नयाँबानेश्वरमा संघीय संसदको दुवै सदनको अधिवेशन आह्वान गर्नुभएको हो ।
सरकारले गत साउन ३२ गते संसद् अधिवेशन अन्त्य गरेको थियो । केही महत्वपूर्ण विधेयक अगाडि बढाउने लक्ष्यका साथ सङ्घीय संसद्को बैठक आह्वान गर्न सिफारिस गरिएको बताइएको छ ।
Facebook Comments
