कोपा अमेरिकाका क्वाटर फाइनलमा खेलहरु शुक्रबारदेखि शुरु हुँदै

काठमाडौं, २०७८ असार १५ गते मंगलबार । ब्राजिलमा जारी ४७ औ संस्करणको कोपा अमेरिकाको समूह चरणका खेलहरु सकिएका छन् ।

समूह चरण सकिएसँगै समुह ‘ए’ बाट अर्जेन्टिना, उरुग्वे,पाराग्वे र चिलीले क्वाटरफाइनलमा स्थान बनाउदाँ बोलिभिया बाहिरिएको छ भने समूह ‘बी’ बाट ब्राजिल, पेरु, कोलम्बिया, इक्वेडर क्वाटरफाइनलमा पुग्दा भेनेजुयला बाहिरिएको छ ।

यस्तै, कोपा अमेरिकाको क्वाटरफाइनलका खेलहरु २ जुलाई शुक्रबारबाट सुरु हुदैछन् । पहिलो क्वाटर फाइनल खेलमा पेरुले पाराग्वेको सामना गर्दैछ भने दोस्रो खेलमा ब्राजिल र चिलीबीच खेल हुदैछ ।

यस्तै ३ जुलाई शनिबार बाँकी २ क्वाटरफाइनल खेल हुनेछन् । पहिलो क्वाटरफाइनलमा उरुग्वेले कोलम्बियाको सामना गर्दा दोस्रो क्वाटरफाइनलमा अर्जेन्टिना र इक्वेडरबीच खेल हुदैछन् । एजेन्सी