भारत‍-पाकिस्तान वार्ता गराउन अमेरिकालाई आग्रह

काठमाडौं, २०७७ फागुन १० गते सोमबार

पाकिस्तानले भारत र पाकिस्तानबीच वार्ता गराई दक्षिण एशियामा शान्ति र स्थिरता कायम गर्न भूमिका निर्वाह गर्न अमेरिकालाई आग्रह गरेको समाचार पाकिस्तानको अङ्ग्रेजी पत्रिका डनले प्रकाशित गरेको छ।

उक्त समाचारअनुसार अमेरिकाका लागि पाकिस्तानका राजदूत असद माजिद खानले वाशिङ्टनस्थित थिङ्क ट्याङ्क स्टिम्सन सेन्टरद्वारा आयोजित एउटा कार्यक्रममा त्यस्तो आग्रह गर्नुभएको हो ।

“पाकिस्तान एउटा शान्तिपूर्ण छिमेकी चाहन्छ। अनि सही परिस्थिति बाउने दायित्व भारतको हो,” उहाँले भन्नुभयो । “यसमा आफ्नो भूमिका निर्वाह गर्न हामी अमेरिकालाई आग्रह गछौँ ।”