विश्व आर्थिक मञ्च डाभोस एजेन्डा वार्तामा चीनका राष्ट्राध्यक्ष सीको सम्बोधन

उहाँले जोड दिनुभएको छः  मानवजातिको सामु देखा परेका सबै विश्वव्यापी समस्याहरू जुनसुकै मुलुक एक्लै समाधान गर्न सक्दैन बरू विश्वव्यापी सामना गरेर सहयोगमार्फत् काम गर्नुपर्छ।

उहाँले अन्तर्राष्ट्रिय क्षेत्रमा सानो चक्र बनाउनु वा शित युद्ध गरेर अरूलाई पन्छाउने वा धम्की दिने लगायत कृत्रिम बाधा वा नियन्त्रणले विश्वलाई पृथक वा प्रतिद्वन्द्वी अवस्थामा ल्याउने कुराको प्रकाश पार्नुभएको छ।

राष्ट्राध्यक्ष सीले अगाडि भन्नुभयोः बहुपक्षबादको मुख्य अर्थ भनेको अन्तर्राष्ट्रिय मामिलामा सबैले छलफल गर्नुपर्छ। विश्वको भविष्य र भाग्य विभिन्न मुलुक सबैका हातमा पर्दछ। पृथक भएर मानवजातिका सामु देखा परेका साझा चुनौतीको सामना गर्न सकिँदैन। प्रतिद्वन्द्वी भावनाले मानवजातिलाई अन्त्यमा पुर्‍याउँछ। यसै सन्दर्भमा मानवजातिले दुःख खर्च गरिसकेको छ। हामीले कदापि पनि त्यो पुरानो बाटोमा फर्कनुहुँदैन।

अन्तर्राष्ट्रिय समाजले विभिन्न मुलुक बीचको नियम र सहमतिले संयुक्त रूपमा विश्वको संचालन गर्नुपर्छ एक वा केही मुलुकले मात्रै आदेश  निर्देशन दिनुहुँदैन।

उहाँले महत्व दिँदै भन्नुभएको छः शासन व्यवस्था तथा नियममार्फत् विभिन्न मुलुक बीचको सम्बन्धलाई सामन्जस्य मिलाउनुपर्छ। आफ्नो बलियोपनको भरमा कमजोरलाई थिच्नुहुँदैन। बहुपक्षबादको नाउँमा एकपक्षबादी गतिविधि गर्नु कदापि हुँदैन।

सीले सिद्धान्तलाई पालना गर्नुपर्ने, नियम तोकिएपछि सबैले प्रभावकारी रुपमा पालना गर्नुपर्ने भन्दै “छनौटसहित बहुपक्षीयवाद” निर्विकल्प रहेको बताउनुभयो।

सीले इतिहास र वास्तविकताले हामीलाई भनेको, वर्तमान संसारमा प्रतिद्वन्द्वको बाटो हिँड्ने हो भने शित युद्ध, ताप युद्ध वा व्यापार युद्ध, विज्ञान युद्धले अन्त्यमा विभिन्न मुलुकको हितमा हानी पुर्‍याउने र जनतालाई विशाल क्षति पुग्ने बताउनुभयो।

सी चिनफिङले पारस्परिक हित र साझा विजयको सहयोगी धारणा अक्षरशःपालना गर्नुपर्ने, विभिन्न मुलुकको समान विकास अधिकारको प्रत्याभूति गर्नुपर्ने, न्याय र निप्षक्ष आधारमा प्रतिस्पर्धा गर्न प्रस्तावित गर्नुपर्ने कुरामा जोड दिनुभयो।

२१औँ शताब्दीको बहुपक्षीयवादले सही बाटोको अक्षरशःपालना गर्नुपर्ने र विकासको नयाँ दिशाको अन्वेषण गर्नुप‍र्ने भन्दै बहुपक्षीयवादको केन्द्रीय मूल्य र आधारभूत सिद्धान्तको पालना गर्नुका साथै विश्व बनौटको परिवर्तनबमोजिम विश्वव्यापी चुनौतीको सामना गर्नुपर्ने कुरामा जोड दिनुभयो।

आफ्नो सम्बोधनमा राष्ट्राध्यक्ष सीले औँल्याउनुभएको छः सम्पूर्ण मानवजातिका लागि हितयुक्त काम चीनले अँगाल्दै राम्रोसँग गर्नुपर्छ। चीनले व्यावहारिक कार्वाहीमार्फत् बहुपक्षबादको कार्यन्वयन गर्दै हाम्रो साझा घरबारको संरक्षण गरिरहेको छ र मानवजातिको दिगो विकासको लागि योगादान गरिरहेको छ।

विज्ञानबारे चर्चा गर्दै उहाँले भन्नुभयोः विज्ञान तथा प्रविधि क्षेत्रमा हासिल उपलब्धिहरूले सम्पूर्ण मानवजातिको हित-कल्याणको सिर्जना गर्नुपर्छ। अरू देशको विकासलाई सीमित पार्ने कार्य अँगाल्नुहुँदैन।

हार्ने र जित्ने अनि वितेताले सबै पाउने, चिनियाँहरूको जीवन दर्शन यस्तो नभएको राष्ट्राध्यक्ष सीले बताउनुभएको छ। चीनले स्वतन्त्र तथा  शान्तिपूर्ण वैदेशिक नीति पालना गरेर विभिन्न देशसँगको मैत्रिपूर्ण सहयोग सम्बन्धको सक्रिय रूपमा विकास गरेको छ।

व्यवहारले एक्लो गतिविधि, विचार तथा अहंकारी धारणा अन्त्यमा अवश्य नै विफल हुने पुष्टि भएको छ। मानव जातिको एउटै पृथ्वी छ र मानवजातको एउटा मात्रै साझा भविष्य पनि छ। बहुपक्षीयताको ज्योतिले अगाडि जाने बाटोलाई उज्यालो पारेर हातमा हात मिलाएर मानव भाग्य समुदायको निर्माणतिर लाग्नु नै आजको टट्कारो आवश्यकता रहेको राष्ट्राध्यक्ष सीले जोड दिनु भएको छ। सीआरआई