युक्रेन–रूस–अमेरिका त्रिपक्षीय वार्ता सकारात्मक, अर्को चरण चाँडै: जेलेन्स्की   

युक्रेन । युक्रेन, रूस र संयुक्त राज्य अमेरिकाबीच दुई दिन चलेको त्रिपक्षीय वार्ता शनिबार सकारात्मक रूपमा सकिएको छ। युक्रेनी राष्ट्रपति  भोलोडिमिर जेलेन्स्कीका अनुसार युद्ध अन्त्यका सम्भावित उपायहरूमा छलफल भएको छ र अर्को चरणको वार्ता फेब्रुअरी १ मा संयुक्त अरब इमिरेट्समा हुने तय भएको छ।

यो वार्ता अमेरिकाका अधिकारी र दुवै देशका प्रतिनिधिहरूबीच पहिलो पटक भएको हो। जेलेन्स्कीले सबै पक्षले आफ्नो राजधानीमा वार्ताको प्रगति रिपोर्ट गर्ने र भविष्यका कदमहरू समन्वय गर्ने सहमति जनाएको बताउनुभएको छ।
वार्तामा सैनिक तथा आर्थिक विषयहरू छलफल भएका थिए र सम्भावित युद्धविरामको विषय पनि उठेको थियो। यद्यपि, युक्रेनको जापोरिज्जिया आणविक ऊर्जागृहको नियन्त्रणबारे निर्णय हुन सकेको छैन। यसबाट उत्पादन हुने विद्युत सबै पक्षबीच समानुपातिक रूपमा बाँडिने जनाइएको छ।
युक्रेनी टोलीमा मुख्य वार्ताकार रुस्टम उमेरोव र किरिलो बुडानोव रहेका थिए भने अमेरिकी टोलीमा स्टीव विटकोफ र जार्ड कुश्नर सहभागी थिए। रूसी टोलीमा सैनिक खुफिया र सेना प्रतिनिधि सहभागी थिए।

जेलेन्स्कीले भन्नुभयो,” युद्ध अन्त्यको प्रक्रिया निगरानी र सुरक्षा सुनिश्चित गर्न अमेरिकाको भूमिका आवश्यक छ। तर क्षेत्रीय विवाद लगायत केही संवेदनशील मुद्दाहरू अझै समाधान हुन बाँकी रहेका छन्।”

वार्ता जारी रहँदा रूसले ड्रोन आक्रमण गरेर िकएभमा एक जनाको मृत्यु र चार जना घाइते गराएको छ। खार्किभमा २७ जना घाइते भएका छन्। युक्रेनी विदेशमन्त्री आन्द्री सिबिहाले ट्विटरमा लेख्नुभयो, “पुटिनले अमेरिका नेतृत्वको शान्ति प्रक्रियाबीच हाम्रो जनतालाई लक्षित गर्दै आक्रमण गर्न आदेश दिनुहोला ।”   एपी