नेपाल-भारत परराष्ट्र सचिव स्तरीय बैठक सम्पन्न
काठमाडौं, २०७७ मंसिर ११ गते बिहीबार
नेपाल र भारतका परराष्ट्रसचिवहरूको प्रतिनिधिमण्डल स्तरीय बैठक सम्पन्न भएको छ ।
सो द्विपक्षीय बैठकमा नेपाली प्रतिनिधि मण्डलको नेतृत्व परराष्ट्र सचिव भरतराज पौडेलले र भारतीय टोलीको नेतृत्व भारतीय विदेश सचिव हर्षवर्धन श्रृंगलाले गर्नुभएको थियो ।
होटेल याक एन्ड यतिमा आज भएको द्विपक्षीय बैठकमा नेपाल-भारत सम्बन्धका विविध विषयमा विचार विमर्श भएको परराष्ट्र मन्त्रालयले जनाएको छ ।
चार्टर्ड जहाजबाट आज बिहान नेपाल आइपुग्नुभएका श्रींगलाले त्रिभुवन अन्तर्राष्ट्रिय विमानस्थलमा उत्रिए लगत्तै पत्रकारहरूसँगको प्रतिक्रियामा नेपाल-भारत सम्बन्ध निकै बलियो रहेको बताउनुभएको थियो ।
हाँले परराष्ट्र मन्त्री प्रदीपकुमार ज्ञवालीसँग भेटवार्ता गर्नुका साथै स्वास्थ्य सामग्री हस्तान्तरण गर्नुभएको छ ।
दुई दिने नेपाल भ्रमणमा रहनु भएका श्रृंगलाले आजै साँझ ५ बजे प्रधानमन्त्री केपी शर्मा ओलीसँग र ६ बजे राष्ट्रपति विद्यादेवी भण्डारीसँग पनि भेटवार्ता गर्ने कार्यक्रम रहेको छ ।
उहाँको नेपाल आगमन दुई देशबीच उच्चस्तरमा भइरहेको भ्रमणको आदान-प्रदानकै निरन्तरता भएको परराष्ट्र मन्त्रालयले जनाएको छ । रेडियो नेपालबाट
