चीनद्वारा बाढी प्रभावित पाँच प्रान्तलाई सहयोग गर्न ५० करोड युआन विनियोजन   

पैचिङ, २०८१ साउन १४ गते सोमबार । चीनको राष्ट्रिय विकास तथा सुधार आयोग (एनडीआरसी) ले सोमबार पाँच प्रान्तमा प्रकोप उद्धार कार्यमा सहयोग गर्न ५० करोड युआन (सात करोड अमेरिकी डलर) विनियोजन गरेको जनाएको छ ।

यस कोषले हुनान, हेनान, सिचुआन र शान्सीमा भारी वर्षा र बाढीबाट प्रभावित क्षेत्रका साथै फुजियानमा टाइफुनको प्रभावलाई सहयोग गर्ने एनडीआरसीले उल्लेख गरेको छ ।

चीनमा क्षतिग्रस्त जल संरक्षण र बाढी नियन्त्रण पूर्वाधार, विद्यालय, अस्पताल र अन्य सार्वजनिक सुविधाहरूको पुनर्स्थापना लगायतका मुख्य परियोजनाहरूमा पैसा वितरण गरिने छ । यसले पाँच प्रान्तमा मानिसहरूलाई सामान्य जीवनमा फर्कन र काम गर्न मद्दत गर्नेछ ।

यसका साथै मध्य चीनको हुनान प्रान्तमा आइतवार आएको भीषण बाढीका कारण यस क्षेत्रका तीन हजार भन्दा बढी बासिन्दाहरू प्रभावित भएका छन् । सिन्ह्वा