दक्षिणी चीनमा राजमार्ग भासिँदा कम्तीमा १९ जनाको मृत्यु, दर्जनौं घाइते
मे १, २०२४ मा लिइएको एरियल ड्रोन तस्बिरले दक्षिण चीनको क्वाङ्तोङ प्रान्तको मइचौ-तापु एक्सप्रेसवेमा एक्स्प्रेसवे भत्किएको स्थानमा उद्धारकर्ताहरूलाई काम गरिरहेको देखाउँछ। । दक्षिण चीनको क्वाङ्तोङ प्रान्तमा बुधबार बिहानै एउटा एक्सप्रेसवेको केही भाग भत्किँदा २० वटा सवारी साधन खसेपछि मृत्यु हुनेको सङ्ख्या २४ पुगेको स्थानीय अधिकारीहरूले बताएका छन्। अन्य ३० जनाले अस्पतालमा उपचार गराइरहेका छन्, जसमा कसैको पनि ज्यान जोखिममा छैन, प्रान्तको मेइझोउ सहरको सरकारका अनुसार। घटना मेइझोउको मेइझोउ-दाबु एक्सप्रेसवेमा बिहान 2:10 बजे भएको थियो। भत्किएको खण्ड 17.9 मिटर लामो छ र 184.3 वर्ग मिटर क्षेत्रफल ओगटेको छ, अधिकारीहरूले भने। (सिन्ह्वा/वाङ रुइफिङ)
पैचिङ,२०८१ वैशाख १९ गते बुधबार । दक्षिणी चीनको क्वाङतोङ प्रान्तमा बुधबार राजमार्गको एक भाग भत्किँदा/भासिँदा कम्तीमा १९ जनाको मृत्यु भएको अल जजिराले जनाएको छ ।
मच्यू शहर र तापु काउन्टीबीचको एस-१२ राजमार्गको १७.९ मिटर सडकखण्ड बुधबार बिहान २ः१० बजे भासिएको र उक्त घटनामा कम्तीमा १८ सवारी साधनहरू फसेको थिए ।
उक्त घटनामा १९ व्यक्तिको मृत्यु भएको पुष्टि भएको र ३० जनाले अस्पतालमा आपतकालीन सेवा लिइरहेका छन् । अधिकारीहरूका अनुसार उपचारका लागि अस्पताल लगिएका मानिसहरू हाल जोखिममुक्त रहेका बताइएको छ ।
स्थानीय सञ्चारमाध्यमहरूले दिएको समाचार रअनलाइनमा प्रसारित भिडियोहरूले गहिरो खाडलबाट आगो र धुवाँ निस्किरहेको देखाएका छन् । राजमार्ग भासिएर परेको उक्त खाडलमा कारहरू खसेको बताइएको छ ।
अहिले करिब ५०० जना उद्धार कार्यका लागि घटनास्थलमा रहेका छन् । एएनआई
