रुसी लडाकु विमान दुर्घटनामा १३ जनाको मृत्यु
मस्को, २०७९ कात्तिक १ गते मंगलबार । रुसी एसयू-३४ लडाकु विमान दुर्घटनामा परी मृत्यु हुनेको संख्या १३ पुगेको तास समाचार एजेन्सीले सोमबार जनाएको छ ।
उद्धारकर्ताहरूले दुर्घटनास्थलमा १३ जनाको शव फेला पारेका छन्, जसमा ३ जना बालबालिकाहरू छन् । अन्य १९ जना घाइतेलाई उपचारका लागि अस्पताल लगिएको छ । उद्धार प्रक्रियाका क्रममा ६८ जनाको उद्धार गरिएको थियो भने ३६० जनालाई सुरक्षित स्थानमा सारिएको थियो ।
उक्त दुर्घटनाले १७ अपार्टमेन्टमा क्षति पुर्याएको छ भने आगलागी २,००० वर्ग मिटर क्षेत्रमा पुगेको छ । रुसी अधिकारीहरूले दुर्घटनाको कारणबारे अनुसन्धान सुरु गरेका छन् ।
यसअघिका दुर्घटनामा दक्षिणी सैन्य जिल्लाको एयरफिल्डबाट प्रशिक्षण उडानको क्रममा उचाइ प्राप्त गर्ने क्रममा विमान दुर्घटनाग्रस्त भएको र पाइलटहरू दुर्घटना हुनुअघि सुरक्षित रूपमा बाहिर निस्कन सफल भएका थिए । एजेन्सी
