नाट्टा कार्यसमितिको निर्वाचनमा विनय बस्नेत नेतृत्वको “हाम्रो समूह” घोषणा
काठमाण्डौं, २०७८ चैत १२ गते शनिबार । नेपाल एशोसिएसन अफ टूर एण्ड ट्राभल एजेन्ट्स (नाट्टा) कार्य समितिको निर्वाचनको लागि विनय बस्नेत नेतृत्वको “हाम्रो समूह” घोषणा भएको छ । यही चैत १७ गते हुने निर्वाचनका लागि नाट्टाका वर्तमान वरिष्ठ उपाध्यक्ष बस्नेतको नेतृत्वमा “हाम्रो समूह” घोषणा भएको हो ।
“हाम्रो समर्पण, व्यवसायिक प्रवर्द्धन” को नारासहित घोषणा भएको “हाम्रो समूह” महामारीले थिलथिलो पारेको पर्यटन व्यवसाय पुनर्उत्थानका निमित्त रहेको अध्यक्षका उम्मेदवार विनय बस्नेतले जानकारी दिनुभयो । ‘हाम्रो समूह’बाट अध्यक्षमा बस्नेतसँगै वरिष्ठ उपाध्यक्षमा सुधीरकुमार उपाध्याय, उपाध्यक्षमा सुनील शर्मा, महासचिवमा जिस्वा तुलाधर श्रेष्ठ, सचिवमा प्रज्ञा शर्मा, कोषाध्यक्षमा सुदर्शन नेपाल र सह-कोषाध्यक्षमा गीता ढकाल उम्मेदवारी दिनु भएको छ ।
त्यस्तै कार्यसमिति सदस्यमा बिष्णु पाण्डे, सन्तोष गुरुङ, सुदर्शन पौडेल, सुमन श्रेष्ठ, चूडाबहादुर जिम्वा, साधुराम थापा, दीनेश मैनाली र राजकुमार पाठकले उम्मेदवारी पेश गर्नुभएको छ ।
